嘩嘩嘩, 好耐都舉行過Tomica車展, 好似十多年前在會展有過一兩次, 那時的我在eBay賣Tomica, 而"Tomica Club"特別版白色盒(唔記得Echo定A-Class) 一個會籍只可换一架, 所以我幫自己填在16張Form排隊買左16架, (填到手軟)哈哈, 少年時就是那麼瘋狂, 反而昨天Ikea深宵大減價我十時已到門口, 如企一小時便可到一折區買燈買少少家品, 結果迫過年宵, 未到11:00pm開門便走得快好世界, 走時見到往九龍灣車龍有5公里!
等我八一八玩具展秘聞同行Show攻略俾大家知
今次Tomica"玩具展"是在九龍灣展貿, 唔好去錯灣仔, 灣仔是書展, 又岩書又岩Tomica嘅朋友真係要安排一下時間, 書展七天玩具展是其中的三天, 而書展一向百萬人流而今次玩具展夾在中間原本我們參展商都在人流方面睇低一綫
但如果大家唸住遲D去玩具展唔駛急就輸了, 因為看看參展商有鴻興日昇Dabox名車博覽已經知介時"車到飛起"
都未算, 其實有一間大批發, 咁多年來非常低調, 是supply Tomica, Choro-Q俾各店的, 今次都租了兩個攤位傾巢而出將一百萬的絶版Tomica及Choro-Q, Kyosho在場散貨, 手快有手慢無, 南亞兵團(日本, 印尼, 菲律賓, 泰國)已book晒機票掃場!!
另一方面精品, 鴻興, 日昇在Lego, Hasbro, Bandai方面又有另一番激戰
各位朋友, 大部份展位只收Cash, 為免見到買唔到都係預備多D Cash啦
另外當然是有主場之利嘅萬信, Tomica個Booth超市咁大就知勁啦, 不過因為"全球首發Tomica香港小巴"事件, 這車本來萬信好有心特別為這show整的, 但台灣代理五月先賣這香港小巴其實對萬信來說真是大災難...之後唯有用貼紙補鑊...不過這事應該會唱足十年八年...
有好多Fans問"有無搞錯", 我可以用我十七年的Tomica經驗講到連萬信sales都講唔到背後的災難起源俾大家聽,
其實N年前Tomy同Takara未合拼前做Tomica特別版大慨只是3000部, 所以那時日本車仔店IIADO, Gulliver出好多特別版, even香港Toyzone也同日本Tomy訂了香港的士, 但TomyTakara合拼後, 最少6000, 以這個量做香港小巴跟本香港市場賣一個show, even賣一年也賣不完, 所以我估萬信出了一批(一定過千架)俾台灣代理, 但個deal的負責人為了完成任務但又無白紙黑字寫合約, 好啦貨到了台灣, 因為某種因素"過左海就是神仙"的老土故事又出現, 台灣代理話之你死賣得快好世界, 卒之又賣晒仲抄起埋law. 唉經一事長一智, 大家也别鬧了
又洋洋千字咁添, 玩具展Tiny部分下part再分享。
Search